තනි තනිව හා සමාජ වශයෙන් මානව පැවැත්ම හා සංවර්ධනය සඳහා භාෂා භාවිතය  කේන්දීය සාධකයකි. සිතිවිලි සංවර්ධනයට මෙන්ම සියලු ජාතීන් අතර පවතින මිත්‍රත්වය  වැඩි දියුණු කිරීම සඳහා ද අත්‍යවශ්‍ය වන සිංහල හා දෙමළ භාෂාව ප්‍රවර්ධනය කරමින් ජත්‍යන්තර භාෂාව වන ඉංග්‍රීසි භාෂාව ස්වයංව අද්‍යනය කිරිමට මග පෙන්විම 2025 නවීන ගුවන් හමුදාවක් යන තේමාව සදහා ඔබ සියලු දෙනා සහභාගි කරවීම සඳහා මෙය මහත් තෝතැන්නක් වනු ඇත.

ඉපදීමට පෙර සිටම භාෂාව ඉගෙනීම අප කවුරුත් විශ්වාස කරති.  උපන් දා සිටම ක්‍රම ක්‍රමයෙන් මෞභාශාවෙන් වචන උච්චාරනය කිරීමට හුරු පුරුදු වන මිනිසාගේ අඪ්‍යාපනයේ ස්වභාවික මාධ්‍ය වනුයේ මව් භාශාව ය.එසේම 1943 කන්නංගර වාර්තාවට අනුව ජාතියක ප්‍රභාව පූර්ණ වශයෙන් ප්‍රකාශ කල හැක්කේ එයටම අනන්‍ය වූ භාශාව සහ සාහිත්‍ය තුලින් බව අවධාරණය කර ඇත.එසේම විශ්ව භාශාවක් ලෙස ඉංග්‍රීසි භාශාවෙහි කාර්‍යභාරය පිලි ගැනීම සහ එවැනි භාශාවක් උසස් අඪ්‍යාපනය සහ බාහිර ලෝකය සමග අදහස් හුවමාරු කර ගැනීම සඳහා භාවිත කිරීමේ අවශ්‍යතාව නිසා ඉංග්‍රීසි භාශාව අත් හැරිය නොහැකි බවද එය පොදුවේ ඉගැන්විය යුතු බවත් ඒ අනුව අනිකුත් හේතූන් වලට අමතරව පොදු දෙවන භාශාවක් බවට පත් වීමෙන් පංති වෙන් කොට දැක්වීමේ ලාංඡනයක් වීම එයින් වැලැක්විය හැකි නිසාවෙන් එය පොදු අවබෝධය පිලිබඳව උපාය මාර්ගයක් විය හැකි බව පෙන්වා දී ඇත.එහෙත් ඉන් පසුව සිදු වී ඇති සුවිශේෂ වෙනස් කම් නිසා 1970 දී ඉංග්‍රීසි භාෂාව ඉගැන්වීම නතර කර දැමීමට තීරනයක් ගෙන තිබිනි. 1992 දී ප්‍රකාශයට පත් කරන ලද ජාතික අධ්‍යාපන කොමිෂන් සභාවෙහි පලමු වාර්තාවෙහි ප්‍රධාන ජාතික අරමුණු වලින් එකක් ලෙස ජාතික ඒකාබද්ධතාව ජාතික ඒකීයත්වය සහ ජාතික සමගිය මුදුන් පත් කර ගැනීම ඇතුලත් කර තිබිනි.ප්‍රධාන භාෂා දෙකක් කතා කරන රටවැසියන් සිටින අප රට තුල ඇති බහු වාර්ගික සහ සංස්කෘතික වශයෙන් විවිධාකාර වෙනස් කම් ඇති නිසා අප රට තුල සාමකාමී දිවි පෙවෙත සහ සහජීවනය ඉහල නැංවීමට ද්වී භාෂා වන සිංහල දෙමළ භාෂා ඉතාම වැදගත් වන අතර මෙම භාෂාවන් ජාතික භාෂා ලෙස ශ්‍රී ලංකා ආන්ඩුක්‍රම ව්‍යවස්තාවෙන් ද පිලි ගෙන ඇත.

මෙම ත්‍රී භාෂා අධ්‍යයන වැඩ සටහන සදහා විශේෂයෙන්ම පාදක කර ගෙන ඇත්තේ අන්තර්ගතය සහ භාෂාව මනාව ඉගෙනීම යන පියවර ඔස්සේය. එනම් ද්විත්ව අරමුණු ඇතිවයි. එය තව දුරටත් පැහැදිලි කරන්නේ නම් අන්තර්ගතය ඉගෙන ගැනීම සහ එයට සමගාමීව විදේශ භාෂාවක් ඉගෙනීම යන අරමුණු වෙත ඉලක්කගත වූ විෂයක් නැතහොත් විදේශ භාෂාවක් තුළින් ඉගැන්වෙන අවස්ථාවක් ලෙසය.බොහොමයක් රටවල ද දෙවන භාෂාවක් ඉගැන්වීමට මෙම ක්‍රමය භාවිතා වේ.

චීනය මැලේසියාව පකිස්තානය ඉංදියාව සිංගප්පූරුව පිලිපීනය ඔස්ට්‍රේලියාව නවසීලන්තය වැනි රටවල දෙවැනි භාෂාවක් ඉගැන්වීමට යොදා ගෙන ඇති පර්යේෂණ වාර්තා මෙන්ම ශ්‍රීලංකාව තුලද වරින් වර ඉදිරිපත්ව ඇති විවිධ අධ්‍යපනික පර්යේෂණ වාර්තාද ජාතික අද්‍යාපන කොමිෂන් සභා වාර්තාද අධ්‍යයනය කර අපගේද අත්දැකීම් ඔස්සේ නිර්මාණය වී ඇති මෙහි ප්‍රධානම බලාපොරොත්තුව වන්නේ ජාතික ඒකාබද්ධතාව ජාතික ඒකීයත්වය සහ ජාතික සමගිය මුදුන්පත් කර ගැනීමයි.එසේම මානුශික හමුදාවක් ලෙස දමිල ජනතාව කෙරෙහිද දමිල භාෂාව සදහාද ඔවුන්ගේ සංස්කෘතිය ලෙස සහජීවනයේ දැත් දිගු කරන ශ්‍රිලාංකීය ජනතාව එකම රටක කොටස් කරුවන් ලෙස අපූර්ව ලෙස ජීවත් වන බව සියලු ලොව පුරා වෙසෙන ජනතාවට පෙන්වා දීම මෙහි තවත් අරමුණකි.තවද සෑම පුද්ගලයකුටම අපහසුවකින් තොරව ජාත්‍යන්තර භාෂාව ඉගැන්වීම තුළින් ගුවන් හමුදාවේ කටයුතු පමණක් නොව තම දුවා දරුවන්ට පවා ඉංග්‍රීසි භාෂාව ඉතා පහසුවෙන් ඉගෙන ගැනීම සදහා අවශ්‍ය සහය ලබා දීම මෙහි තවත් අරමුණකි.